Home
blogs

Sidee Arday Soomaaliyeed Ku Heli Karaa Deeq Waxbarasho Caalami ah!?


 In badan oo ka mid ah ardayda Soomaaliyeed waxay ku riyoodaan inay wax ku bartaan jaamacado caalami ah oo ku yaalla Yurub, Ameerika, Aasiya iyo Afrika. Hase yeeshee, caqabado badan ayaa mararka qaar ka hor istaaga – dhaqaale xaddidan, xog la’aan, iyo faham la’aan ku saabsan sida loo helo deeqaha waxbarasho.

Laakiin runtii fursadahaas waa jiraan, waana kuwo loogu talagalay ardayda doonaya inay mustaqbalkooda waxbarasho iyo shaqo horumar ka sameeyaan. Scholarships-ku waa dariiq dahabi ah oo qof walba ka caawin kara inuu gaaro riyadiisa, haddii uu helo xog sax ah, diyaar garow wanaagsan, iyo niyad adag.

Qoraalkan waxaan ku eegi doonaa tallaabooyin fudud iyo tilmaamo cad oo ku tusaya “Sidee Arday Soomaaliyeed ku heli karaan deeq waxbarasho caalami ah?” si aad u qaaddo talaabada ugu horreysa ee mustaqbalkaaga ifaya.

Shuruudaha Guud ee Scholarships-ka Caalamiga ah

In kasta oo deeqaha waxbarasho ay kala duwan yihiin jaamacad ilaa jaamacad ama dal ilaa dal, haddana waxaa jira shuruudo guud oo inta badan laga rabo ardayda doonaysa inay codsadaan

1. Shahaado Waxbarasho Hore (Certificate / Transcript)

Scholarship kasta waxay rabtaa caddeyn muujinaysa heerkaaga waxbarasho.

  • Haddii aad rabto Bachelor (Degree) → waxay ku weydiin doonaan shahaadada dugsiga sare + Transcript.

  • Haddii aad rabto Master → shahaadada Bachelor + Transcript.

  • Haddii aad rabto PhD → shahaadada Master + Transcript.

2. Luuqadda Waxbarashada (Language Requirement)

  • Scholarships badan waxay isticmaalaan English, sidaas darteed waxaa laga yaabaa in lagu weydiiyo IELTS ama TOEFL.

  • Dalal sida Turkiga, China, iyo dalal kale waxay bixiyaan koorso luuqad bilaash ah sanadkii ugu horeeyay haddii aadan weli heysan.

3. CV iyo Warqad Dhiirigelin (Motivation Letter / Statement of Purpose)

Waxaa muhiim ah inaad muujiso:

  • Yaa tahay?

  • Maxaad rabtaa inaad barato?

  • Maxaad u rabtaa scholarship-kan?

  • Sidee waxbarashadani uga caawin doontaa bulshadaada iyo dalkaga?

4. Warqadaha Talooyinka (Recommendation Letters)

Waxaa inta badan lagu weydiiyaa 2-3 warqadood oo ka imanaya macallimiin ama madax shaqo, kuwaas oo kuu caddaynaya inaad tahay arday dadaal badan.

5. Baahida Dhaqaale (Financial Need) – Mararka qaar

Qaar ka mid ah scholarships-ka waxay ku weydiiyaan inaad muujiso xaaladdaada dhaqaale si loo fahmo in aad u baahan tahay taageero buuxda.

6. Shuruudo Kale oo Gaar ah

Dalalka qaar waxay leeyihiin shuruudo gaar ah:

  • China → caafimaad wanaagsan (Medical check).

  • Germany (DAAD) → shahaadooyin iyo cilmi-baaris hore.

  • Turkey → codsi online + wareysi (interview).

Gunaanad

Helitaanka deeq waxbarasho caalami ah ma aha arrin adag oo fog, balse waxay u baahan tahay xog sax ah, dadaal joogto ah, iyo diyaar garow wanaagsan. Arday Soomaaliyeed oo badan ayaa horey ugu guuleystay scholarships, adiguna waad ka mid noqon kartaa haddii aad waqtigaaga geliso raadinta iyo diyaarinta dukumiintiyada loo baahan yahay.

Xusuusnow:

  • Ha ka quusan haddii aad hal mar ku guuldarreysato, fursado kale ayaa jira.

  • Had iyo jeer u diyaargarow sidii aad tahay qof raba inuu mustaqbalkiisa wax ka beddelo.

  • Waxbarashada aad ka hesho scholarship ma aha oo keliya adiga oo faa’iido u leh, balse waa bulshada Soomaaliyeed oo dhan.

Marka, haddii aad maanta bilowdo raadinta iyo diyaarinta, berri waxaad noqon kartaa arday Soomaaliyeed oo leh sheeko guul caalami ah

Post a Comment